【屋企漏水】漏水維修要幾錢？為你拆解漏水家居保險包唔包！
家居保險未必人人有買，但意外往往係意料之外！建築老化、意外、惡劣天氣等因素影響下，令屋企有漏水情況出現，當中嘅維修費用同財物損失都令人好頭痕。但如果有投保家居保險又會唔會係有番個保障？即刻為你拆解。
漏水維修預算要幾多？
家居漏水最緊要搵出源頭，常見會有樓上漏水落嚟、自己單位內有漏水情況，又或者惡劣天氣影響而發生漏水，令你屋企嘅牆身地板，甚至家居物品都濕晒。全屋需要作檢測或維修時，到底維修費要幾多？最簡單可以由檢測機構、維修項目及租住地方/儲物空間三方面要去做漏水維修預算。
檢測機構收費參考
假如搵完滲水辦幫手都係未解決，就建議大家另外搵坊間嘅漏水檢測機構，根據檢測項目費用都會有唔同：
| 檢測項目 | 預算 |
| 專家檢測及報告費用 | $16,000 – $40,000 |
| 紅外線/微波濕度測試連報告(浴室天花<50平方尺) | $4,500 |
| 食水喉水壓力測試(1小時) | $2,000 – $4,000 |
維修項目收費參考
| 維修項目 | 預算 |
| 更換過牆/地台喉管 | $400 |
| 更換廚房及廁所來去水喉 | $18,000 – $25,000 |
租住地方及儲物空間
漏水情況較嚴重時，要做全屋維修情況下，人同家中部分物品都需要暫住其他地方，價格方面又會係點呢？
| 租用空間 | 預算 |
| 短租酒店/服務式住宅 | $400 – $2,000/每晚 |
| 短租「迷你倉」儲物空間 | $200 – $800/每月 |
| Spacebox隨存屋 上門儲存服務 | $49/每箱每月 |
「漏水維修問題要盡快解決，屋企物品都要快手清理」
突發屋企漏水又係咪家居意外？
屋企漏水維修加加埋埋真係要有大筆錢要用，唔想因為突發嘅漏水問題或者極端天氣而搞到措手不及，不妨認真計劃投保一份家居保險。
- 家居保險係用作保障屋企中嘅財物、家電等物品，假如因家居意外如漏水、漏電等情況而受損，可以獲得保險公司理賠。
- 家居保險費用會因家居面積及家居財物價值而定。
家居保險包啲咩？5大保障項目一次睇！
市面上有眾多家居保險計劃，承保範圍均有不同，投保前絕對要比較清楚，睇下邊個計劃最啱自己。以下小編將會為大家介紹家居保險嘅5種受保範圍。
家居物品及財物
樓上漏水、單位內爆水管等因水造成嘅屋企財物損失，家居保險都包。受保物品範圍包括傢私、電器、電子設備、擺設等貴重物品。
家居裝修及維修開支
家居保險會提供因樓上漏水/天花漏水，導致屋企牆壁、木門、地板及喉管等造成損壞，而需要裝修及維修費用保障。
臨時居所保障
上一部分有提及假如漏水情況嚴重，要全屋大維修就需要暫時租住其他地方。家居保險都會包埋呢一項，保險公司會根據受影響日數去提供相應金額。但留意會視乎實際屋企損毀程度去判斷是否合理而去提供賠償。
緊急家居支援服務
漏水有時會導致電箱故障、甚至水管爆裂等緊急情況出現。有部分家居保險會提供24小時家居緊急支援服務，為受保人提供相應維修服務；亦有保險公司會直接安排師傅上門進行維修。
第三者責任保險
當漏水唔止自己受影響，波及到鄰居嘅時候，第三者責任保險就可以發揮其作用。保險公司會為受保人作出賠償對方維修費用。
「屋企搞維修，家居物品放去邊會有保障？」
家居保險承保邊種漏水情況？
- 樓上/其他單位漏水
因樓上/其他單位漏水導致屋企天花/牆壁有漏水情況，而導致有財物/物品受損，家居保險均有可能受理賠償。如果係由樓上滲水落嚟，就要睇埋點樣搵出源頭同點樣維修喇！
- 受保人單位因爆水管、水喉故障而漏水
意外引起嘅爆水管而導致有財物/物品損失，如家居裝修時意外鑿穿喉管，維修費用及財物損失均可受保。
- 受保人單位漏影響樓下/其他單位
屋企漏水搞到其他鄰居有財物損失，亦即第三者責任保險。正常情況下，家居保險內嘅「個人法律責任保障」會為此提供相關賠償。
- 外牆漏水
有風球、暴雨警告訊號等因惡劣天氣引起嘅外牆漏水、雨水從窗邊滲漏，令到家電或財物有損毀情況、外牆需作維護嘅費用，均為家居保險受保範圍。
邊種漏水原因，家居保險無得賠？
- 日久失修、喉管老化
住宅外牆日久失修、內部情況保養欠妥、喉管老化等原因，保險公司都會一律當成「自然損耗」，並唔會作出賠償。
- 個人疏忽
打風落雨無閂窗搞到屋企有滲水、漏水情況，呢類均個人疏忽而導致有損毀情況一律唔保。
- 受保單位長期丟空
家居保險中大多有條文列明，受保單位連續一個月內無人居住情況下，因漏水而有損失都唔會作賠償。
資料來源：蘇黎世
「將屋企物品存倉都係畀多重保障自己！」
漏水維修工程期間唔想再有物品整濕？
漏水維修工程可大可小，天花、牆壁濕到起晒泡都無得唔整。維修期間，除咗人要暫避，又唔想心愛嘅物品獨留家中？不如試下用「上門儲存服務」服務，只需要簡單幾個步驟，就可以預約專人上門將物品入箱存倉。幫物品搵到暫托地方，漏水維修進行得更加暢順！
「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
