【入伙前必睇】拜四角點拜？一文教你拜四角重點步驟、禁忌

拜四角一詞相信大家都有聽過，可能都知係搬屋、新屋入伙必做嘅傳統儀式。拜四角聽落好似好複雜、好多嘢要準備，唔知大家對拜四角有幾了解呢？今次小編為大家整理好拜四角事前須知、禁忌及流程，無論係搬入第一定第二手樓定租樓住都必須一睇！

四角其實係廳堂嘅四角，而佢地分別象徵天門、地戶、人門、鬼戶。

拜四角用意係祈求五方神明家神保佑，驅逐屋內嘅負能量同唔好嘅氣場，以保入住後家宅平安，順風順水及裝修順利。

聽講鬼魂都鐘意留喺新起同長期無人住嘅屋，所以新屋入伙前又或者裝修前都最好先做拜四角儀式。

拜四角必須先擇好吉日及吉時，而吉日吉時就可以查吓通勝！

見到寫住「成日」、「定日」、「滿日」、「宜入宅」等嘅日子，就代表當日適宜入伙，可以拜四角。記得要避開農曆新年同農曆七月。而吉時方面，通勝中吉時會以紅色標示，黑色則為凶，千祈唔好揀。

*拜四角嘅時間最好喺晏晝一點開始，入黑前完成。

「新屋入伙忙爆🤯舊屋仲有好多嘢唔知擺邊好！？」

第一次新屋入伙，學埋拜四角4大步驟！

第一步｜擺放拜四角用祭品

先將地主衣紙、一份祭品（水果、白米、花生及糖果）及三杯茶放喺大廳中央，再將另外四份祭品及其餘四杯茶放於四個角位，總共為五份。

第二步｜填寫四角衣

喺貴人帖裡面，會有一張黃色嘅「大百解」，請喺「大百解」上寫上新屋地址，全家姓名（由屋主開始寫，姓名排序為年長到年幼）。用意為燒衣後通知神明，呢批住客即將入伙，祈求保佑。

第三步｜點香繞屋一周

點燃二十一枝香，先面向正面，然後由左前方開始，以順時針方向圍繞全屋行一圈。同時，請誠心禱告，以祈求家宅平安。

然後將三枝香插喺分佈於四角嘅紅蘿蔔上，大廳中央嘅紅蘿蔔則要插上九枝，然後請點燃紅蠟燭，並分別插喺剛才已插香嘅五個地方。

*禱告時冇特定句子，只要係吉祥話就可以！

第四步｜化寶及完成拜四角

當香燭燒到一半，請喺單位中央/屋苑準許燒衣地方化寶。香燭完全熄滅後，收拾好相關物品，拜四角就大功告成！

拜四角要有心情？拜四角6大注意事項

幫間屋做軟裝之前就應該要拜四角，就正如「入屋都要打聲招呼」。而且間屋係淨空狀態嘅時候先唔怕拜漏，進行拜四角都有以下6點事項要注意：

1. 行入新屋時要保持好心情，面帶笑容，並只講吉祥話。
2. 唔好著白色及麻質嘅衫，最好就著得比較鮮豔。
3. 唔好跨過祭品
4. 拜四角時燒衣，盡可能由佢自然熄滅。
5. 小朋友、孕婦、老人家同經期中嘅女性都不宜拜四角。
6. 原本屋企有供奉地主、土地公同灶君；或者有祖先新主牌，要記得另擇日子重新請神

正確完成整個拜四角儀式，日後住落都心安理得！

入伙前分門別類整理好，搬屋自然無煩惱！

今次教咗大家拜四角，無論係準備緊入伙或者預習嘅你，到真正入伙要拜四角時就可以順順利利啦！喺舊屋執嘢嘅時候，總會發現到好多「寶物」。同時亦係個好機會將全屋物品分類整理，如果想住落舒舒服服、平平安安，仲可以用埋「上門儲存服務」，將頭家打理得整整齊齊。

「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。